Featured articles

News

1 minute reading time (275 words)

የፖላንድ ድንገተኛ ጊዜ ሕክምና ቡድን በሚሌኒየም ኮቪድ ማዕከል አገልግሎት መስጠት ጀመረ

የፖላንድ ድንገተኛ ጊዜ ሕክምና ቡድን በሚሌኒየም ኮቪድ ማዕከል አገልግሎት መስጠት ጀመረ

"ሚሌኒየም ኮቪድ ሕሙማን ማዕከል ማስተናገድ ከጀመረበት ጊዜ አንስቶ ከ3000 በላይ ሕሙማንን ማከሙን የተናገሩት ዶ/ር እስማኤል፣ ጥራቱን የጠበቀ ክብካቤ ለመስጠት በፅኑ ሕሙማን ውስጥ የሚገኙትን ለማከምና የአስቸኳይ ጊዜ ምላሽ ለመስጠት ክፍተት መኖሩን ገልጸዋል፡፡"

በጤና ሚኒስቴር ጥሪ የተደረገለት የፖላንድ ድንገተኛ ጊዜ ሕክምና ቡድን በሚሌኒየም ኮቪድ ማዕከል አገልግሎት መስጠት ጀመረ፡፡

ባለፈው ሳምንት ወደ ኢትዮጵያ የገባው ቡድኑ እስከ ጥቅምት 8 ቀን 2013 ዓ.ም. የሚቆይ ሲሆን፣ በቆይታውም ለሕሙማን ከሚሰጠው አገልግሎት በተጨማሪ በማዕከሉ ለሚገኙ የሕክምና ባለሙያዎች ልምዱን ያካፍላል፡፡

በፖላንድ መንግሥት የሚደገፈው የሕክምና ቡድኑ ከዚህ ቀደም በጣሊያን፣ በካዛኪስታን፣ በታጃኪስታን፣ በሊባኖስና በማዳጋስካር የሕክምና አገልግሎት የሰጠ ሲሆን፣ የኢትዮጵያው ስድስተኛው ተልዕኮው ነው፡፡

በሚሌኒየም አዳራሽ የሚገኘውን የኮቪድ 19 ሕክምና ማዕከል ለማገዝ ዓላማ ያደረገው የሕክምና ቡድን፣ ከዚህ ቀደም አገልግሎት በሰጠባቸው አምስት አገሮች ያገኘውን መልካም ተሞክሮ የሚያካፍል ይሆናል፡፡

የቡድኑ መሪ ዎጄትክ ዊልክ (ዶ/ር) እንዳሉት፣ ቡድናቸው በፖላንድ ሆስፒታሎች ያለውን ልምድ ብቻ ሳይሆን የኮቪድ-19 ወረርሽኝን ለመከላከል በየአገሩ ከሰጡት አገልግሎት ያገኙትን ትምህርት ለኢትዮጵያውያን አቻቸው ያካፍላሉ፡፡

በተለይ በፅኑ የታመሙ ሕሙማንን ማከምን ጨምሮ አጠቃላይ የኮቪድ 19 ሕክምናን በተመለከተ የሚታዩ ክፍተቶችን ለመሙላት ቡድኑ ከፍተኛ አስተዋጽኦ እንዳለው ያነሱት ዶ/ር ዊልክ፣ የኢትዮጵያን የጤና ሥርዓት ለማገዝ ተጨማሪ የሰው ኃይል እንደሚልኩና በተለይም የፅኑ ሕሙማን ክፍሎችን እንደሚደግፉ ተናግረዋል፡፡

በኢትዮጵያ ካሉት የኮቪድ 19 ሕክምና ማዕከላት ትልቁ የሆነው የሚሌኒየም ማዕከል 1000 ሕሙማን የሚያስተናግድ ነው፡፡ ሆኖም በእንዲህ ያለ ማዕከል ሕክምናን መስጠት ከዲዛይን፣ ከአስተዳደር፣ ከሠራተኛ፣ ከኢንፌክሽንና ከቁጥጥር ጋር ተያይዞ ፈታኝ መሆኑን የማዕከሉ ዋና ዳይሬክተር እስማኤል ሸምሰዲን (ዶ/ር) ተናግረዋል፡፡

ማዕከሉ ሕሙማን ማስተናገድ ከጀመረበት ጊዜ አንስቶ ከ3000 በላይ ሕሙማንን ማከሙን የተናገሩት ዶ/ር እስማኤል፣ ጥራቱን የጠበቀ ክብካቤ ለመስጠት በፅኑ ሕሙማን ውስጥ የሚገኙትን ለማከምና የአስቸኳይ ጊዜ ምላሽ ለመስጠት ክፍተት መኖሩን ገልጸዋል፡፡

ይህንን ክፍተት ለመሙላት በማዕከሉ የተገኘው የፖላንድ የአስቸኳይ ጊዜ ሕክምና ቡድን በፖላንድ መንግሥት በመደገፍ የዓለም ጤና ድርጅት ባስቀመጠው መስፈርት መሠረት ድጋፉን እያደረገ እንደሚገኝ ይህንኑ አስመልክቶ ዓርብ መስከረም 22 ቀን 2012 ዓ.ም. በማዕከሉ በተሰጠው መግለጫ ተጠቁሟል፡፡ 

source

ከልብ ሕመም ለመታደግ
NEJM Editors Blast Trump Administration’s Covid-19...

Related Posts

 

Comments

No comments made yet. Be the first to submit a comment
Already Registered? Login Here
Guest
Friday, 22 January 2021

By accepting you will be accessing a service provided by a third-party external to https://hakimoch.com/