News

1 minute reading time (233 words)

የእብድ ውሻ በሽታን ለማስወገድ ግብረ ኃይል ተቋቁሞ እየተሠራ ነው::

የእብድ ውሻ በሽታን ለማስወገድ ግብረ ኃይል ተቋቁሞ እየተሠራ ነው::

 የእብድ ውሻ በሽታን በ2022 ዓ.ም ከኢትዮጵያ ለማስወገድ ስልታዊ ዕቅድ በማውጣትና ብሔራዊ የጤና የጋራ ግብረ ኃይል በማቋቋም እየተሠራ መሆኑን የጤና ሚኒስትር ዴኤታ ወይዘሮ ሊያ ታደሰ ገለጹ፡፡

የእብድ ውሻ በሽታ ዓመታዊ በዓልን አስመልክቶ ትናንት በህብረተሰብ ጤና ኢንስቲትዩት የስልጠና ማዕከል ከባለድርሻ አካላት ጋር በተካሄደ የምክክር መድረክ ላይ ሚኒስትር ዴኤታዋ ወይዘሮ ሊያ ታደሰ እንደገለጹት፣ለ60 በመቶው የሰው በሽታ መነሻው ከአንስሳት ነው፡፡

የእብድ ውሻ በሽታ 90 በመቶው በውሻ መነከስ የሚመጣ እና በድመት መቧጨር ወደ ሰው የሚተላለፍ መሆኑን የጠቀሱት ዶክተር ሊያ፣አብዛኞቹ ተጠቂዎችም ሕፃናትና ሴቶች መሆናቸውን አስታውቀዋል፡፡ በሽታውን በ2022 ዓ.ም ከኢትዮጵያ ለማስወገድ ስልታዊ ዕቅድ መዘጋጀቱን ጠቅሰው፣ብሔራዊ የጤና የጋራ ግብረ ኃይል ተቋቁሞ እንቅስቃሴ እየተካሄደ መሆኑንም አብራርተዋል፡፡

በሽታውን ለመከላከል ትምህርታዊ ግንዛቤዎች መሰጠት እንዲሁም የህክምና ማዕከል እንደሚያስፈልግ ጠቁመው፣ በአዲስ አበባም ጉለሌ አካባቢ ለዚህ የሚረዳ የህክምና ማዕከል መሠራቱን ተናግረዋል፡፡

በህዝብ ተወካዮች ምክር ቤት የግብርና ጉዳዮች ቋሚ ኮሚቴ አባል ዶክተር ጥላሁን አየለ፣የበሽታው ተጠቂዎች በአብዛኛው የእስያና የአፍሪካ አገራት መሆናቸውን ገልፀዋል፡፡ በኢትየጵያም በሽታው በሁሉም የአገሪቱ ክልሎች እንዳለ ጠቅሰው፣መፍትሔ አለማግኘቱን ጠቁመዋል፡፡ ችግሩን ለማቃለል በቁጭትና በቁርጠኝነት መሥራት እንደሚገባም አስገንዝበዋል፡፡

በግብርና ሚኒስቴር የእንስሳት ህክምና ጤና ዳይሬክተር ዶክተር መሠረት በቀለ፣ በመድረኩ ላይ ባቀረቡት ጥናት በእብድ ውሻ በሽታ በዓለም ላይ በዓመት ከ70 ሺ በላይ ሰዎች፣ በኢትዮጵያ ደግሞ 2 ሺ 700 እንደሚሞቱ አስታውቀዋል፡፡ ይህም ህክምና ሳይሄዱ በየቤቱ የሞቱትን እንደማያካትት አመላክተዋል፡፡

በመድረኩ በሽታውን ለመቆጣጠር የግብአት እንዲሁም ባለሙያዎች አቅርቦት ማጎልበትና የህዝቡን ግንዛቤ ማሻሻል እንደሚገባ ፣መንግሥት ለዚህ ትኩረት መስጠት እንዳለበት ተጠይቋል፡፡

ከዚህ ባለፈ በየመንገዱ ያሉ ውሾች የሚወገዱበትን ሁኔታ መፍጠር፣ዘላቂ ክትባት ለውሾች መስጠት፣በውሻ የተነከሱትም በፍጥነት ህክምና እንዲሄዱ ማድረግና የተነከሱትንም ለ15 ደቂቃ በውሃና ሳሙና ማጠብ እንደሚገባም ተመላክቷል፡፡

source

Hawassa University Launched a palliative care Unit...
Job for Advanced University degree in Medicine, P...

Related Posts

 

Comments

No comments made yet. Be the first to submit a comment
Already Registered? Login Here
Guest
Monday, 28 September 2020

By accepting you will be accessing a service provided by a third-party external to https://hakimoch.com/