News

3 minutes reading time (543 words)

ኢትዮጵያ ወረርሽኞችን የመከላከል ዝግጁነት ዓለም አቀፍ ጥምረትን ተቀላቀለች

ኢትዮጵያ ወረርሽኞችን የመከላከል ዝግጁነት ዓለም አቀፍ ጥምረትን ተቀላቀለች

 በአፍሪካ ህብረት የጎንዮሽ ውይይት መድረክ ላይ እንደተገለጸው ኢትዮጵያ በምርምር ውጤቶች የታገዘ ወረርሽኞችን የመከላከል ዝግጁነት ዓለም አቀፍ ጥምረትን ከአፍሪካ አገሮች ቀዳሚ በመሆን መቀላቀሏን በይፋ አስታወቀች፡፡

የኢፌዴሪ ፕሬዚዳንት ሳህለወርቅ ዘውዴ በመክፈቻ ንግግራቸው እንዳስታወቁት የኢትዮጵያ መንግስት ከአፍሪካ ህብረት ኮሚሽን፣ ከአፍረካ የበሽታ መቆጣጠር ማዕከል እና በምርምር ውጤቶች የታገዘ ወረርሽኞችን የመከላከል ዝግጁነት ዓለም አቀፍ ጥምረት ጋር በመተባበር መድረኩ እንደተዘጋጀ ገልጸው ኢትዮጵያ የጥምረቱ አባልነትን በይፋ መቀላቀሏ ወቅቱ የሚጠይቀው አንገብጋቢ ጉዳይ በመሆኑን ከጥምረቱ ጋር በትብብር ለመስራት ዝግጁ መሆኑን አስታውቀዋል፡፡

የዓለም ጤና ድርጅት ጄኔራል ዳይሬክተር ዶ/ር ቴድሮስ አድሃኖም በቪዲዮ ባስተላለፉት መልዕክትም በድንገት የሚከሰቱ ወረርሽኞችን ለመከላከል አፍሪካዊያን ሃገራት ዝግጁነታቸውን ማጠናከር ወቅቱ አሁን መሆኑን ጠቁመው ይህ በማድረጋቸውም ዜጎቻቸውን እንደ ኮሮናቫይረስ፣ ሳርስ፣ ሜርስ፣ ኢቦላ፣ ላሳ ፊቨር ካሉ አዳዲስ በሽታዎች ለመከላከል ፈጣን ምላሽ መስጠት እንደሚያስችላቸው ተናግረዋል፡፡

የጤና ሚኒስቴር ሚኒስትር ዴኤታ ዶ/ር ሊያ ታደሰ በበኩላቸው ኢትዮጵያ ጥምረቱን በአባልነት ስትቀላቀል አገሪቱ የሚከሰቱባትን ወረርሽኞች በቀላሉ መከላከል የሚያስችላትን የምርምር አቅሟን ለማጠናከር በጥምረቱ ከፍተኛ ተጠቃሚ እንደምትሆን ነው የገለጹት፡፡

መረጃዎች እንደሚያመለክቱት የአፍሪካ አገሮች ከ90 በመቶ በላይ የሚሆኑ ክትባቶችን ከውጭ በማስገባት ይጠቀማሉ፡፡

በምርምር ውጤቶች የታገዘ ወረርሽኞችን የመከላከል ዝግጁነት ጥምረት እ.ኤአ በ2017 ዓ.ም የተቋቋመ ሲሆን ዓላማውም የሚከሰቱ ወረርሽኞችን ለመከላከል አዳዲስ የምርምር ውጤቶችን በመጠቀም ክትባቶችን የመፍጠር፣ የማምረትና ለዜጎች ጥቅም እንዲውሉ የሚያስችል አቅምን ማጠናከር ነው፡፡

የአፍሪካ አገሮች ድንገት ከሚከሰቱ የወረርሽኝ በሽታዎች መከላከል የሚያስችላቸውን ዝግጁነትን ማጠናከር እንዲሚገባቸውና በዚህም በራሳቸው የምርምር አቅም ክትባቶችን በማምረት የዜጎቻቸውን ህይወት ለመታደግ የሚያስችላቸውን አቅም ለማጠናከርና ለማበረታታት መድረኩ እንደተዘጋጀ ተገልጿል ከሚንስቴር መስርያ ቤቱ ያገኘነዉ መረጃ ያመላክታል፡፡

source

 በአፍሪካ የህክምና ኤጀንሲ እንዲቋቋም የሚያስችለውን ሥምምነት የፈረሙ አገራት 14 ደረሱ::

 በአፍሪካ የህክምና ኤጀንሲ እንዲቋቋም የሚያስችለውን ሥምምነት የፈረሙ አገራት 14 ማድረሳቸውን በአፍሪካ ኅብረት የማኅበራዊ ጉዳዮች ኮሚሽነር አሚራ ኢልፋዲል ገለጹ።የአፍሪካ ኅብረት የኮሮና ቫይረስ ወደ አፍሪካ እንዳይገባ ከቻይና መንግሥትና ከኅብረቱ አባል አገራት ጋር በመሆን የመከላከል ሥራ ላይ ርብርብ እይተደረገ መሆኑንም ጠቁመዋል።

የአፍሪካ ኅብረት የማኅበራዊ ጉዳዮች ኮሚሽነር አሚራ ኢልፋዲል ዛሬ በሰጡት መግለጫ የአፍሪካ የህክምና ኤጀንሲ እንዲቋቋም ባለፈው ዓመት ሥምምነት ላይ ተደርሷል።ኤጀንሲው በአፍሪካ መድሃኒት ለማምረት የሚያስችል ፍኖተ ካርታ ለማዘጋጀትና የአባል አገራት የዘርፉ ተቋማትና ባለሙያዎች አቅምን ለማዳበር ያስችላል ብለዋል።

በየአገራቱ የሚወጡትን የፋርማሲ ዘርፍ ፖሊሲዎችና ስትራቴጂዎች ለማጣጣምና ተመጋጋቢ ለማድረግም የኤጀንሲው አስፈላጊነት ከፍተኛ ፋይዳ እንዳለው ነው የጠቆሙት።በአገሪቱ ከደረጃ በታች የሆኑ መድሃኒቶች እንዳይመረቱና ገበያ ላይ እንዳይወጡም ሚናው የጎላ መሆኑን ጠቅሰዋል፤ በምትኩ ጥራት ያለው መድሃኒቶችን በብዛት ለማምረት ያስችላል ነው ያሉት።በተለይም በአፍሪካ የመድሃኒት ምርትን በማስፋት የኢንዱስትሪውን ልማት ለማቀላጠፍ እንደሚያስችል ገልጸዋል።

በዚህም መሰረት የኤጀንሲውን አስፈላጊነት በማመን እስካሁን 14 አገራት መፈረማቸውን ገልጸው ፈራሚዎቹ 15 ሲደርሱ ኤጀንሲው በአህጉር ደረጃ እንደሚቋቋም ነው የገለጹት።

የኮሮና ቫይረስን በመተለከተ ለቫይረሱ ተጋላጭ የሆኑና ወደ ቻይና ቀጥታ በረራ ያላቸው 15 አገራት ተለይተው ከአገራቱ ጋር በቅርበት እየተሰራ መሆኑንም ተናግረዋል።

ቫይረሱን ለመቋቋም በተደረገ ጥረት በአሁኑ ወቅት ከቤልና ሜሊንዳ ጌትስ ፋውንዴሽን የአምስት ሚሊዮን ዶላር የገንዘብ ድጋፍ መገኘቱን ገልጸው ገንዘቡን ለአቅም ግንባታ ይውላል ብለዋል።የቻይና መንግሥትም በዚህ ረገድ ከፍተኛ እገዛ እያደረገ መሆኑን ጠቁመዋል።የኮሮና ቫይረስ በአህጉር አቀፍ ደረጃ የቤተ-ሙከራ ምርመራ የሚደረገው በደቡብ አፍሪካ መሆኑን አስታውቀው ይህንን የህክምና አገልግሎት ለማስፋት ሥልጠና እየተሰጠ መሆኑን ገልጸዋል።ከዚህ ጎን ለጎን የህጻናት የጉልበት ብዝበዛን ለመከላከል የሚያስችል የ10 ዓመታት ስትራቴጂ መቀየሱን ገልጸው ይህም ኮሚሽኑ ከደረሰበት ትልቅ ስኬት አንዱ ነው ብለዋል።

በሌላ በኩል ኅብረቱ ከሚመለከታቸው ዓለም አቀፍ ተቋማት ጋር በመሆን ባለፈው የፈረንጆች ዓመት በሊቢያ በስደት ላይ የነበሩ ከ48 ሺህ በላይ ስደተኞች ወደ አገራቸው መመለሳቸውን አስረድተዋል።ሌሎች አምስት ሺህ ስደተኞች ደግሞ ከሩዋንዳ መንግስት ጋር ስምምነት ተደርጎ በአገሪቱ ተጠልለው እንደሚገኙና ወደ አገራቸው ለመመለስ እየተሰራ መሆኑን ተናግረዋል።

በአፍሪካ ህገ-ወጥ ስደትንና የሰዎች ዝውውርን ለመከላከል የሚያስችሉ በአህጉሪቱ ሶስት የጥናትና ምርምር ተቋማት እንዲከፈቱ ውሳኔ መተለላለፉንም ነው የገለጹት።በዚህም መሰረት በሞሮኮ፣ ማሊና ሱዳን ማዕከሎቹ እንደሚከፈቱ ጠቁመው ከአፍሪካ ኅብረት ጉባኤ በኋላ ማዕከሎቹ የሚቋቋሙበት ህገ-ደንብ እንደሚጸድቅ አስታውቀዋል።

SOURCE 

International Scholarships available for 12th Pedi...
ብሔራዊ የሚጥል ሕመም ሳምንት በኢትዮጵያ ለ5ኛ ጊዜ ይከበራል::

Related Posts

 

Comments

No comments made yet. Be the first to submit a comment
Already Registered? Login Here
Guest
Monday, 28 September 2020

By accepting you will be accessing a service provided by a third-party external to https://hakimoch.com/