News

1 minute reading time (233 words)

የወሊድ መቆጣጠሪያ መድሃኒት ለማግኘት - የሶስት ሰዓት የእግር ጉዞ

የወሊድ መቆጣጠሪያ መድሃኒት ለማግኘት -  የሶስት ሰዓት የእግር ጉዞ

 በማእከላዊ ጎንደር የኪንፋዝ በገላ ወረዳ እናቶች የወሊድ መቆጣጠሪያ መድሃኒት ለማግኘትም ሆነ የነፍሰጡር ምርመራ ለማድረግ የሶስት ሰአት የእግር ጉዞ ለማድረግ እየተገደዱ መሆናቸውን ገለፁ።

ችግሩ የተከሰተው በወረዳው በሚመደቡ የጤና ኤክስቴንሽን ሰራተኞች ፍልሰት ነው ተብሏል።

በወረዳው የወርቄ ገጠር ቀበሌ ነዋሪ ወይዘሮ ጎዳዳ የሻንበል እንደተናገሩት በቀበሌው ተመድበው የነበሩ የጤና ባለሙያዎች በመልቀቃቸው ምክንያት የወሊድ መቆጣጠሪያ መድሃኒት አቅርቦት ከተቋረጠ ሁለት አመት አልፎታል፡፡

በዚህ ሳቢያም በመውለድ የእድሜ ክልል የሚገኙ ሴቶች አገልግሎቱን ለማግኘት ወደ ወረዳው ዋና ከተማ ስላሬ የሶስት ሰዓት የእግር ጉዞ ለማድረግ ተገደናል ብለዋል ፡፡

"በቀበሌያችን የወሊድ መከላከያ አገልግሎት ማግኘት ባለመቻላችን የቤተሰብ ቁጥር ለመመጠንም ሆነ አላስፈላጊ እርግዝናን ለመከላከል አልቻልንም" ያሉት ደግሞ የዚሁ ወረዳ ነዋሪ ወይዘሮ ፍትፍት ፈንቴ ናቸው፡፡

ሌላው የወረዳው ነዋሪ ወይዘሮ አሻገሩ ሽበሺ በበኩላቸው ወርሃዊ የእርግዝና ምርመራ ለማካሄድ በአካባቢያቸው ምንም አይነት የጤና ተቋም ባለመኖሩ አገልግሎቱን ለማግኘት ረጅም ርቀት በእግር ለመጓዝ እንገደዳለን ብለዋል ።

የወረዳው ምክትል አስተዳዳሪ አቶ ኤርሚያስ ቢራራ ስለሁኔታው ተጠይቀው በሰጡት መልስ ችግሩ የተፈጠረው በጤና ኤክስቴንሽን ባለሙያዎች ፍልሰት ምክንያት ነው ።

በአሁኑ ወቅት አዳዲስ ባለሙያዎችን በመቅጠር ችግሩን ለመቅረፍ እየተሰራ መሆኑን አስረድተዋል።

የዞኑ ጤና መምሪያ የእናቶች ኦፊሰር አቶ ተምሮ አዛናው በበኩላቸው በወረዳው ከሚገኙ 10 የገጠር ቀበሌዎች አምስቱ የጤና ኤክስቴንሽን ሰራተኞች የሉትም ብለዋል።

ችግሩን ለማቃለል በወረዳው የሚገኙ የጤና ባለሙያዎች በየሳምንቱ በዘመቻ ስምሪት እንዲወጡ አቅጣጫ መቀመጡን ተናግረዋል፡፡

በዞኑ በመውለድ የእድሜ ክልል የሚገኙ ግማሽ ሚሊዮን የሚሆኑ ሴቶችን በዚህ አመት የቤተሰብ ምጣኔ አገልግሎት ተጠቃሚ ለማድረግ ግብ ተጥሎ እስከ አሁን ድረስ 200 ሺህ እናቶችን ተደራሽ ማድረግ ተችሏል።

የዞኑ የቤተሰብ ምጣኔ አገልግሎት ሽፋን 35 በመቶ ደረጃ ላይ እንደሚገኝም ከጤና መምሪያ የተገኘው መረጃ ያመልክታል፡፡

source

የቻይና ተመራማሪዎች የኮሮና ቫይረስን ሊከላከሉ የሚችሉ አዳዲስ መድኃኒቶችን አገ...
የኮሮና ቫይረስ ወረርሽኝ ሥጋትና የኢትዮጵያ ዝግጅት

Related Posts

 

Comments

No comments made yet. Be the first to submit a comment
Already Registered? Login Here
Guest
Monday, 28 September 2020

By accepting you will be accessing a service provided by a third-party external to https://hakimoch.com/